Kapitali 1
Aallaqqaasiut

 

Uuma saqqummersitap siunertaraa nuna tamakkerlugu naatsorsuutinut ilaasut atuisunit atorneqarsinnaalernissaat. Nuna tamakkerlugu naatsorsuutinut ilaasut tassaapput datat, misissueqqissaarnerup inerneri aamma input-output tabeli.

 

Inernerit pingaarnerit

Kapitali 2-mi input-output tabeli naatsumik ilisaritinneqarpoq, tabeli qanoq paasisassaanersoq nassuiarneqarluni. Kapitali 3-mi input-output-ip tunngavii ilisaritinneqarput aammalu tekniskiusumik koefficientit taavalu matrixit muminneri (inverterede matrix) ilisaritinneqarput.

 

Amerlisaatissat (multiplikatorer)

Saqqummersitami aamma atuarneqarsinnaapput amerlisaatissatut kisitat naatsorsorneri, taakku input-output tabelimi ajornaatsumik aningaasaqarnerup isikkussaanik naatsorsuinermut tunuliaqutarineqarput. Kisitsisit takutippaat perusunneqartut ataatsimik annertusigaangata nioqqutissanik avataaniit eqqussuinerup aammalu sulisoqarnerulernerup toqqaannartumik aamma toqqaannanngitsumik qanoq sunnerneqarsinnaaneri.

 

Najoqutat periuserlu

Kapitali 5-imi sammineqarput najoqqutat aamma periuseq, taakku saniatigut nunat tamalaat akornanni input-output tabelililiornermi maleruagassat allaaserineqarput.

 

Tabelit

Saqqummersitaq kapitali 6-imi tabelinik naggaserneqarpoq. Kapitali 3-mi aamma 4-imi takussutissiat tabelit 1-4 tunngavigalugit suliarisaapput. Tabel 5-imi inuussutissarsiutit 11*11-imiittut aamma inuussutissarsiutit 34*34-miit­tut imminnut ataqatigiinnerat takutinneqarput, tassani inuussutissarsiutit nuna tamakkerlugu naatsorsuutini inuussutissarsiorfiit pineqarput.